حقيقة إلغاء قائمة المنقولات الزوجية.. إليك القصة الكاملة
حقيقة إلغاء قائمة المنقولات الزوجية تصدرت البحث خلال الساعات الماضية، بعد حالة من الجدل انتشرت على مواقع التواصل الاجتماعي خلال الساعات القليلة الماضية، عقب تداول تدوينة لشاب يدعى إسلام عبدالمقصود يقول فيها: “ألف مبروك يا رجالة القائمة سقطت في مصر”، وجاءت أغلب التعليقات عن وضع قائمة منقولات زوجية لذويهم باعتبارها ضمانة لحق الفتاة، دون المغالاة في هذا الحق وتحميل الزوج أكثر مما ينبغي وكتابة كل ما تم شراؤه فقط، مؤكدين أنه حق شرعي أقرته كل الأديان.
حقيقة إلغاء قائمة المنقولات الزوجية
وبحسب موقع الساعة قالت جهاد حسن: «إننا في مرحلة حفظ الحقوق وان المنقولات الزوجية التي يتم كتابتها عند الزواج هي حفظ لحقوق الزوجة والشرع أكد حفظ الحقوق، تحسبا لحدوث انفصال بالقائمة تضمن الزوجة حقوقها ».
وأوضح محمد عريان، محام ، أن سقوط القائمة كلام غير صحيح ولا يوجد ما يمسي بـ«القائمة سقطت»، لازال العمل بالقائمة قانونا ولازالت جريمة تبديد المنقولات الزوجية معاقب عليها بالحبس والغرامة، كل ما في الأمر أن يوتيوبر عمل حملة لإسقاط قائمة المنقولات الزوجية ولاقت قبولا بين الشباب لكن لم يصدر قانون يمنع القائمة أو يجعلها معفية من العقاب.
وبحسب موقع الساعة تابعت سعاد محمد: من المفترض ألا يكون هناك مهر للعروس. فهو أمر يختلف من أسرة لأخرى ويتم بالتراضي وله أوجه مختلفة. فمن جبر خاطر العروس أن يكون لها مهر، وكذلك القائمة معلقة:« لو هنعمل بالشرع فمن حق الزوج هو اللي يجيب كل حاجة ووقتها مش هنكتب قائمة وده مش هيحصل».
ترند قائمة المنقولات
وعلق هشام أحمد: «القايمة تقريباً هتسقط بقرار رسمي اللي هو اتفاق كله هيتفق عليه يعني زي عرف كدة. فأنا شايف انها مصيبه طبعا لينا كرجالة هنجيب من الابرة للصاروخ و هما يدوب ركعتين استخارة و شكراً. وبالنسبة للبنات خدي فلوس جهازك واطلعي سافري واتفسحي انتي و صحابك بيهم يا اللي منكوا لله».
الترند يتصدر فيسبوك وتويتر
وبحسب موقع الساعة تصدر هاشتاج حوار القايمة تريند تويتر، وفيس بوك، بعد ساعات قليلة من مطالب الشباب بإلغائها، وسرعان ما انقسم الأمر إلى جبهتين معارضة وموافقة. بين رواد مواقع التواصل الاجتماعي، ونشر مستخدم عبر تويتر. جزءا من فيلم التجربة الدنماركية، للفنان عادل إمام، معلقًا عليه: “لا اجمد كدا دا لسه فيه رفايع. فيما علق آخر: بعد حوار القايمة.. رايح فين يا أحمد؟!.. نازل عرض على طقم البايريكس والآركوبال جامد، وهجيب طقمين فوط للجهاز ودواسات الحمام”.
وقالت متابعة أخرى: “أنا لما صحيت وعرفت موضوع القايمة دا، الشبكة والمهر والمقدم والمؤخر على العريس طبعًا، الشقة والنجف والصيني والمطبخ. على العريس طبعا، أوضة النوم بقي والمطبخ وأوضة السفرة وأوضة الضيوف ع العريس طبعا.. إيه الدلع دا بس”.
ونشر حساب آخر صورة ساخرة للفنان محمد الشرنوبي. معلقًا عليها: “الدنيا مولعة والقايمة اتلغت، والشباب اللي هيتجوز هيشتري طقم صيني، وكوبيات..المسيحيين”.
بينما قال حساب آخر: أنا فرحانة إن القايمة اتلغت والله مصلحة عشان كانت بتقوم خناقات ومهازل بسببها، وكتب باسم غنام: القايمة وإن أهل العروسة يجهزوا معاك. ده عرف مجتمعي، مهر للعروسة وتجهز حاجتك أنت كاملة وتتجوز واحدة توافق بمقدرتك على الإنفاق. ده شرع، وإن أهل العروسة يجهزوا معاك ومتمضيش القايمة، ده لا طال شرع ولا طال عرف.
وعلق حساب باسم فاطمة الغرباوي: بمناسبة القائمة والمؤخر والزواج، من وجهة نظري أي علاقة أطرافها بيفكروا، بس هياخدوا إيه وهيلبسوا بعض ازاي بدل ما يفكروا كل واحد هيقدم إيه. وهيساعد ازاي اللي بينهم ده ينجح، هي علاقة فاشلة بامتياز قبل ما تبدأ سواء بقى كانت زواج أو شغل أو أي حاجة.
